Montilla califica de “decadencia” a la independencia

El presidente de la Generalitat, José Montilla, fizo una defensa de la unidá d'España, al proclamar que, pa Cataluña, "la decadencia va ser igual a la independencia". A la par llamentó que’l discursu de CiU tornárase más nacionalista.

En declaraciones a Onda Cero Radio recoyíes por Europa Press, Montilla llamentó'l discursu de CiU qu'al so xuiciu radicalizóse, como prueben les recientes declaraciones del númberu 2 de CDC, Felip Puig, nes que constataba que'l dilema pa Cataluña ye ente "independencia y decadencia".
 
"Nin dependencia nin independencia nin posiciones que suponen una involución" en términos d'autogobiernu, dixo Montilla, que dixo que la llinia qu'hai que siguir ye la que marca'l Estatut.
  
Pa Montilla, Artur Mas "nun ye nin el cambiu porque sería una vuelta'l pasáu; nun ye nin el recambiu de Jordi Pujol, porque l'ex presidente siempre dexaba bien claro que xugaba dientro de los marxes del Estáu de derechu".
 
Mientres que Mas declaró que nun referéndum sobre l'autodetermín de Cataluña inclinaríase pol sí, Montilla certificó que Pujol siempre dixo "lo contrario".
  
"Pujol tenía una visión del Estáu que Mas nun tien", llamentó'l presidente de la Generalitat.