Roberto Colunga pide a la Vuelta Ciclista respetu a la toponimia

Roberto Colunga, diputáu del Bloque por Asturies na Xunta Xeneral, pidió al Director de la Vuelta Ciclista a España que se respetara la toponimia oficial asturiana, como manda la llei, al pasu de la competición per Asturies.

Na carta unviada pel Bloque por Asturies recordóse a los organizadores de la preba, que va pasar los díes 12 y 13 de setiembre per Asturies, que se debe usar la toponimia oficial nes etapes asturianes, como diz la llei.

“Hay poco que puea ser tan normalizador pa la llingua asturiana como qu’una de les prebes deportives más importantes del mundu respete los nuesos topónimos tradicionales”, opinó Colunga, qu’a la par encamentó a la Oficina de Política Llingüística del Principáu que faiga lo más que puea p’algamalo.