Darréu entama'l concursu musical "Sones de Revolución"

La organización xuvenil Darréu vien d’abrir la inscripción pa participar nel primer concursu “Sones de Revolución”. Los ganadores d’esti eventu van ser teloneros na IX edición del conciertu “Asturies nun escaez”.

Col concursu “Sones de Revolución”, Darréu da empiezu, el prósimu 2 d’ochobre, al Día de la Mocedá Revolucionario 2010. Nel llocal uvieín I-POP va celebrase un conciertu nel que pueden concursar hasta un total de diez grupos. L’únicu requisitu ye que los cantares interpretaos en directo tean en llingua asturiana.

N’acabando’l conciertu-concursu, al que yá se pueden inscribir los grupos interaos hasta’l 1 d’ochobre, un xuráu escoyerá a la formación ganadora, que va ser la qu’anicie la IX edición del conciertu “Asturies nun escaez” el prósimu 16 d’ochobre en Xixón.