Mozilla Firefox 3.6.9 yá fala n'asturianu

El colectivu Softastur vien d’anunciar la so última aportación a la llingua asturiana y les nueves tecnoloxíes: la versión n’asturianu de Mozilla Firefox 3.6.9. Esti navegador yá se pue descargar de baldre al traviés de http://mozilla.com/ast.

Demientres más d’un añu, el colectivu Softastur tuvo trabayando pa la compañía Mozilla, fundación ensin ánimu de lucru dedicada al software llibre, na versión en llingua asturiana del famosu navegador Firefox 3.6.9.

Anguaño yá se pue disfrutar del resultáu y comprobar como la llingua asturiana s’adapta perfectamente a les nueves tecnoloxíes. El Firefox 3.6.9 n’ast pue descargase de baldre al traviés de http://mozilla.com/ast.