El Cabu Peñes ufierta unos cursos d’asturianu p’adultos

Normalización llingüística de la Mancomunidá d’El Cabu Peñes, en collaboración cola Academia de la Llingua Asturiana, organiza unos cursos d’alfabetización n’asturianu p’adultos. El 15 setiembre entamen les clases, con matrícula tovía abierta.

Llingua I y Llingua II son los dos niveles qu’ufierten estos cursos empobinaos p’adultos que quieran deprender llingua asturiana. Un llargor de 36 hores cadún, coste de matrícula de 30 € y “Xeitu” como’l manual a usar, son les característiques cimeres.

El día 15 de setiembre van entamar les clases que van ser martes y xueves en Candás, pal cursu de Llingua I; y miércoles y vienres en Lluanco, pal de Llingua II. Toles clases tienen una duración de cuatro hores per día y la matrícula entá ta abierta.