Concentración "Pol futuru d'Asturies"

 
L'actu, que va empezar a les 12.30 hores nos Xardinos d’El Náutico de Xixón, va ser conducíu pol actor asturianu Toño Caamaño, y nél van participar representantes de distintos colectivos asturianos que van  poner voz a les problemátiques sociales, ecolóxiques, culturales y llingüístiques que vive anguaño Asturies. Asina por casu va poder cuntase cola presencia de Javier Orozco, refuxáu políticu colombianu residente n’Asturies, o l'actor Jose A. Lobato como representante del ámbitu cultural asturianu.

Abriendo y cerrando l'actu va cuntase asina mesmo cola intervención del gaiteru Llorián Garcia Flórez, amás de l’actuación de la cantante de tonada Mari Lluz Critóbal  ente otros músicos asturianos. Estes actuaciones musicales quieren valir de contrapuntu a les celebraciones oficiales”  previstes pol Gobiernu asturianu en Ribeseya, dando voz así mismo a la cultura de Asturies nun día tan significativu como'l 8 setiembre.

Pa rematar va dase llectura del manifiestu consensuáu poles distintes organizaciones que componen la Plataforma Unitaria 8 setiembre, onde se sorraya la necesidá de crear nuevos espacios políticos pa entamar el nuevu ciclu que representa esti actu unitariu.