Paz Andrés pide “l’usu del asturianu como llingua propia” nuna enmienda a los Estatutos de la Universidá

|

Un grupu de claustrales encabezáu pola profesora Paz Andrés presentó ayer na primer reunión de la Comisión d’Estatutos de la Universidá d’Uviéu una enmienda pal “usu del asturianu como llingua propia de la Universidá d’Uviéu, siendo empleada n’igualdá de condiciones y garantizándose la non discriminación”.

Según una información del diariu La Nueva España esta foi una de les 106 enmiendes presentaes a los estatutos universitarios, nesti casu ellaborada por una de les candidates de les pasaes elecciones a rector, la profesora de la Facultá de Derechu Paz Andrés, y qu’anguaño encabeza la oposición al rector Vicente Gotor. La comisión ta formada por 26 persones y cuenten con aconceyar una vez per selmana hasta mayu pa ellaborar los nuevos estatutos de la universidá asturiana.

Lo mesmo l'actual Rector, Vicente Gotor, como Paz Andrés firmaron cola Xunta Moza na pasada campaña electoral un decálogu de propuestes prioritaries pa la dignificación y normalización de la llingua asturiana na Universidá d’Uviéu.

Contador Estadistiques