Ábrese la convocatoria d’ayudes a viviendes d’estudiantes

Ente’l 1 de setiembre y el 31 d’ochobre van poder solicitase les ayudes pa compartir vivienda que convoca la Empresa Municipal de Vivienda de Xixón. Xóvenes estudiantes de FP y d’Universidá ente 18 y 35 años son los beneficiarios.

Les ayudes pa pisos compartidos solo van ser aceptaes nos casos nos que la vivienda con una persona tenga una renta másima de 450 euros, con dos persones de 500 euros, y con tres persones de 550 euros. Tampoco s’inclúin los estudiantes d’UNED y Máster nesta convocatoria que pue tramitase al traviés de emvisa@gijon.es y www.gijon.es/vivienda.

Sortéu de les viviendes de Roces
La Empresa Municipal de Vivienda de Xixón tamién anuncia que’l prósimu 13 de setiembre, a les 18.00, nel Palaciu de los Deportes, va procedese al sortéu y alxudicación de viviendes na fastera de Roces. Más de 3.400 persones, la mayor parte xóvenes y muyeres menores de 35 años, solicitaron l’accesu a estos pisos.