UNA denuncia vertíos en San Xuan de L’Arena

Unidá Nacionalista Asturiana esixe al Conceyu de Sotu'l Barcu que tome midíes pa iguar la situación de La Calea, en L'Arena. Los nacionalistes denuncien desperfectos y rotures de tuberíes d’agua fecal que fain “cuasi impracticable” la zona.
 

Tino Fernández, portavoz de medioambiente d'Unidá Nacionalista Asturiana declaró que “ye una situación que vienen denunciando los vecinos dende cuantayá, ensin qu'hasta'l momentu s'iguare, lo que provoca un seriu perxuiciu pa los propios vecinos y los turistes que pasien pela zona".

“Ye básico que se conserven los núcleos rurales asturianos nes meyores condiciones posibles”, opinen dende UNA. Daqué que consideren vital, ente otres coses, pa “frenar l’éxodu poblacional, col consiguiente abandonu del mundu rural” y evitar “la destrucción de los hábitats de flora y fauna autóctonos”.