La Xunta de Personal Docente pide aconceyase con Educación

La Comisión Permanente de la Xunta de Personal docente non Universitariu solicita aconceyase urxentemente cola Conseyería d’Educación. L’ente de profesores califica de “grave” la situación llaboral al empiezu del nuevu cursu.

Nun conceyu celebráu na mañana de llunes, la Xunta de Personal analizó la situación llaboral pal profesoráu non universitariu con vistes al cursu 2010/2011. “Brutales recortes de places y drechos del profesoráu asturianu” ye la conclusión de la entidá, que vien de pedir un conceyu cola Conseyería d’Educación pa iguar el nuevu estáu de la escuela pública asturiana.

La Xunta de Personal denuncia, ente otres coses: la reducción de centenares de places, falta de tresperencia, la non convocatoria de places correspondientes a los representantes sindicales, supresión de 17 puestos de trabayu nes escueles de 0 a 3 años, la “ridícula” convocatoria de places, y l’aumentu de la precariedá, cola xuba de les medies xornaes.

“Esta Xunta va convocar les acciones afayadices nesti aniciu de cursu pa defender la escuela pública asturiana y los drechos de la comunidá educativa”, conclúin les declaraciones de Beatriz Quirós, Presidenta de la Xunta de Personal.