Activáu'l Plan de Fueos Forestales pol mor d'un fueu rexistráu na Reserva Natural de Muniel.los

|

La Conseyera de Presidencia, Xusticia ya Igualdá y Directora del Plan d'Incendios Forestales, María José Ramos Rubiera, activó a primer hora de la mañana de güei'l Plan d'Emerxencies de Protección Civil por Incendios Forestales nel Principáu d'Asturies (Infopa) en nivel 1, pol fueu declaráu na Reserva Natural Integral de Muniel.los, según informó'l Principáu.
 
Esta decisión tomóse a la vista de la evolución del fueu forestal y de la importancia medioambiental de la Reserva de la Biosfera de Muniel.los, en Cangas. El fueu detectóse na mañana de güei a la vera del llugar de La Viliella.
 
Na fastera tán trabayando efectivos de tierra y cuatro medios aereos. Nesti momentu hai dos frentes, un d'ellos ya ta cuasi apagáu y se tá trabayando con bríu nel segundu. El fueu sólo quemó monte baxu y nun afecto a la masa forestal de la reserva.
 
L'activación del nivel 1 implica poner a furrular medies de protección pa persones y bienes que puedan vese amenazaos pol fueu, como midida preventiva ante la posible evolución del fueu. Les condiciones d'aire son favorables poro que s'espera tener controlaos dambos focos a lo llargo del día de güei.

Contador Estadistiques