Asturiana de Zinc nun prevé plantegar un ERE

Asturiana de Zinc nun piensa plantegar un ERE ente'l so millar d'emplegaos. Fuentes de la empresa afirmaron que nun s'entamó nengún trámite, anque nun lo refugaron dafechu.

Les mesmes fontes señalaron qu'agora los esfuerzos céntrense en recuperar la normalidá. Por ello tolos trabayadores acudieron nel día de güei al so puestu de trabayu, tal como taba previstu. Nesti sen, reconocieron que "ye pronto" pa valorar tanto los daños rexistraos como les sos posibles repercusiones, puesto que la dificultá alcuéntrase en que se trata de cuestiones técniques.   
 
A día de güei la planta A, onde se produxo l'incendiu del tresformador, sigue paralizada mientres qu'otros dos tán funcionando, anque a un menor rendimientu. Pel momentu, los técnicos nun pudieron determinar tovia les causes del incendiu, que se reproduxo a última hora de la nueche d'ayeri, pero "de forma mínima".