‘The Urban Folk Quartel’ cabeza de cartel del FID'O

El próximu llunes 16 d'agostu preséntase en Tapia la XIV edición del Festival Intercélticu d’Occidente. Los británicos ‘The Urban Folk Quartel’ van presentar ellí’l so últimu trabayu.

El festival tapiegu prepara un curiosu programa de siete díes –del martes 17 al llunes 23- con actividaes empobinaes a tolos públicos. Cola música como protagonista'l festival tien propuestes variaes que van dende conciertos, pasacais, esposiciones de ropa antiguo, semeyes, talleres musicales, charres, presentaciones de llibros y el XIV concursu de postres tradicionales.

Como cabeza de cartelu de la programación musical d'esta décimu cuarta edición ta'l conxuntu británicu ‘The Urban Folk Quartel’, qu'acaba de ganar el Festival Folk de Plasencia y que ye ún de los grupos folk revelación del añu.

Tamién destaca la presencia del irlandés Brian Finnegan, integrante del prestixosu grupu ‘Flook’. Tanto Finnegan como ‘The Urban Folk Quartel van presentar en Tapia los sos últimos trabayos, discos publicaos este mesmu añu.