PSOE descarta "conversaciones formales" cola izquierda abertzale

|

La secretaria de Política Internacional y Cooperación del PSOE, Elena Valenciano, quiso dexar claro que "nun hai conversaciones formales" del PSE cola izquierda abertzale.

Amás, apeló a "la prudencia" del PP y denunció los intentos d'esti partíu d'usu "políticu y mediática" de la política penitenciaria. Na so opinión, el trabayu de "debilitamientu" d'ETA ye "de lo que meyor va nesti momentu" pol llabor "seriu y rigorosu" del Ministeriu del Interior.
  
D'esta manera, Valenciano refugaba les acusaciones realizaes nos últimos díes por, ente otros, dirixentes dl PNV, qu'acusaben a los socialistes vascos de falar cola izquierda abertzale y del PP, dende onde se dieron muestres de "rocea" polos tresllaos de presos d'ETA. Un discutiniu que s'intensificó coles declaraciones del 'mediador' sudafricanu Brian Currin, qu'afirmó que los averamientos de presos d'ETA ayudaben al procesu. Esto provocó la reacción del eurodiputáu popular, Carlos Iturgaiz, qu'apuntó qu'estes palabres son la confirmación de qu'hai contactos.
  
Por ello, la dirixente socialista quiso dexar claro que "nun hai conversaciones formales" cola izquierda abertzale. Nesti sen, precisó que "si alguién fala con un amigu suyu nel 'batzoki' que resulta que ye abertzale, pues pue dicise que se ta produciendo una conversación con un abertzale".
  
"Eso siempre pue dicise", esclamó. Pero calcó en que "oficialmente, formalmente, nun hai nenguna conversación cola izquierda abertzale". D'esta manera, Valenciano ratificaba tamién les palabres del lehendakari Patxi López, que negó cualquier tipu de conversación col entornu de la banda.
  
Preguntada sobre la posibilidá de que Batasuna puea acudir a les próximes elecciones autonómiques, Valenciano comprometióse a "facer tou lo posible, cola Llei na mano, pa nun permitir que se cuele nengún miembru de nengún partíu que nun condene tayante y rigorosamente la violencia d'ETA, y que nun se desmarque de l'actividá d'ETA".

Contador Estadistiques