Hezbolá acusa a Israel de tar relacionáu cola muerte de Hariri

El partíu-guerrilla chií libanés Hezbolá afirmó qu'existen pruebes que supuestamente implicaríen a Israel nel asesinatu nel 2005 del ex primer ministru d'El Líbano, Rarik Hariri.

Hassan Nasralá, líder de Hezbolá, muestra nun videu un montaxe d'imaxes del itinerariu que siguió Hariri antes de que lu asesinaren que supuestamente captaría un avión espía israelí interceptáu por Hezbolá.

"Lo que mostré nun ye una prueba definitiva, pero había tenese en cuenta. Mientres cinco año, naide, nin la comisión internacional qu'investigó'l casu nin naide n'El Líbano, dio nengún creitu a esta hipótesis", afirma Nasralá na so declaración.
  
Les autoridaes israelines, pela so parte, quisieron facer comentarios sobre estes acusaciones.
  
Nasralá afirmó que nel 2007 Hezbolá llogró interceptar un avión espía israelín que sobrevolaba l'espaciu aereu libanés que supuestamente grabaría cientos d'hores d'hores de vídeu.
  
Nun montaxe de dos hores, Nasralá mostró lo que dixo yera una grabación tomada pol citáu avión d'una carretera costera de Beirut que nel 2005 travesó'l convói de Hariri pa cubrir la distancia ente'l parlamentu y la so residencia, asitiada na zona oeste de la capital llibanesa.
  
Les imaxes nun tán fechaes y en nengún momentu apaez nelles el convói de Hariri.
  
Nasralá afirma qu'Israel ha ofrecer respuestes sobre por qué mandó ún de los sos aviones espíes a sobrevolar y a tomar imaxes d'esta zona, que s'alcuentra fuera de les árees tradicionalmente controlaes por Hezbolá.
  
El líder del partíu-guerrilla, amás, caltién qu'un doble axente libanés a sueldu d'Israel informó al Estáu hebréu del llugar onde se produxo la potente esplosión qu'acabó cola vida de Hariri un día primero que ésti morriere.
  
L'asesinatu de Hariri investigólu una comisión de la ONU que pese a nun poder axuntar pruebes determinantes sobre l'autoría del magnicidiu sí que señaló indirectamente a Siria como posible autor del crime.