El Bloque llama a la movilización "nel día contra Asturies"
|
10 Agostu, 2010 por E.P. / Redacción
- Inicie sesión o rexístrese pa espublizar comentarios
El Bloque por Asturies fixo güei un llamáu a la movilización en señal de protesta contra lo que consideraron "el día contra Asturies y contra los sos ciudadanos".
En rueda de prensa, el voceru del Bloque, Rafael Palacios, y el responsable de Relaciones Institucionales de la formación, Pablo Fernández, refiriéronse a los actos programaos pol Gobiernu del Principáu pa la festividá del 8 de setiembre como "un escándalu, una burlla y una falta total de respetu", nun momentu nel que la vocera del gobiernu, Ana Rosa Migoya, "anuncia retayos en polítiques sociales y guarda silenciu contra la paralización de les infraestructures".
Al so xuiciu, la celebración del Día d'Asturies, qu'anguaño va acoyer Ribeseya ente'l 4 y el 8 de setiembre, plantégase como "un esbardie de dineru n'actuaciones que nun apurren nada nuevo y que desprestixen la cultura asturiana".
Pa Palacios, resulta "avergonzante" el "paletismu" y el provincianismu" que caractericen al gobiernu del Principáu, con un presidente -Vicente Álvarez Areces- que ta "totalmente dimitíu y amortizáu". Por ello, esixeron la dimisión de la conseyera y que se conoza'l costu tantu de la programación como de la "super gala de la televisión pública".
"Espresamos vergüenza por un Gobiernu que retaya sueldos y polítiques sociales, pero que nun tien problema n'esbardiar en fastos propagandísticos pa despidir al presidente", solliñaron. El Bloque diz que nun va pidir la dimisión d'Areces “porque ye innecesariu, porque yá lo dimitieron dende la FSA”. Sicasí, van pidir la dimisión de la Conseyera de Cultura y Turismu.
La organización recuerda que’l productor de la gala musical que va emitir la TPA pal Día d’Asturies, con artístes como Isabel Pantoja o Sergio Dalma, ta producida por José Luis Moreno, “que representa en dellos casos a Isabel Pantoja,y sobre’l que pesen graves acusaciones de supuestos sobornos al ex Presidente Balear, Jaume Mates”.
“Too lleva a preguntar por qué nun mes va actuar dos veces Isabel Pantoja n’Asturies, el
21 d'agostu y al redor del 8 de setiembre, acompañada por un elencu d'artistes pa los cual nun hai retayos, pa los cuálos nun hai crisis, pero sicasí pa los trabayadores d’Asturies sí”, afirmó Palacios
Amás, la organización fai chancia con contratar a Moreno como asesor esclusivu del Presidente, “que va formar parte del nuevu triunviratu pa dirixir la cultura nos meses que queden: Tini, Doña Rogelia y Macario”.
Palacios dixo que l'únicu día en 365 que la cultura asturiana podía tener un sitiu na programación ye’l Día d’Asturies, “porque los otros 364 díes dan el llombu, nesti momentu de crisis en que podía sofitase a los nuesos artistes y músicos, que podía ser un escenariu de la nuesa tierra al mundu, vuelve perdese otra oportunidá”.
El voceru del Bloque recordó que, mientres nel Día d’Asturies contraten a la Pantoja, nel Festival Intercélticu de Lorient, na Bretaña, pue escuchase música asturiana.
Efrén d'Andrés
Comentarios
¿Qué esperais? ¿Que pusiere como cartel del día a Llan de Cubel?.
Fíu de un Guardia Civil andaluz que traxeron pa Asturies nel 34 pa reprimir mineros, en especial na zona de Malpica, La Mortera o Armatilla entamó bien pronto col chaqueterismu y la gueta del puestín, primero nel PCE con la so famosa frase "el PSOE era la muleta en la que se apoyaba el capitalismo español" y al poco nel mesmu PSOE que-y dio pa vivir muy guapamente hasta güey.
Pues nel día d´Asturies como nun quería ser menos que Gabinón con los Morancos, fae un homenax al so pa y a la so tierra andaluza y apúrrenos a la Pantojona y a la Rosa "de España".
Que suerte tenemos....
Cagón ros!! Si ente toles fuercies asturianistes nun somos quien a facer una manifestación conxunta y potente en Ribeseya contra esta llacería y esti ataque frontal a Asturies y tolo que simboliza entós yo dexo la militancia nel asturianismu y entamo a camentar dafechu que los asturianos nun merecemos más que desaniciar baxu la puxarra!!
ESCONSONAI, PORQUE ESTO ENXAMÁS TUVO PEOR DE LO QUE TA ANGUAÑO!!
Queda casi un mes pal 8 de Setiembre. Y paez ser qu'hai un alcuerdu xeneralizáu na burlla escandalosa que representen los actos oficiales. Pues bien, que les fuerces nacionalistes/asturianistes planteguen una alternativa a ello abierta y participativa pa tolos ciudadanos que refugen la celebración institucional. ¿Manera de facelo?. Convocando una manifestación unitaria de toes eses fuerces polítiques y aquelles organizaciones de toa mena que quixeren apoyala. Esta manifestación sedría independiente de los movimientos electorales que nel so día (xuntanza o non) fixera cada fuerza participante pa evitar suspicacies y malinterpretaciones. Trataríase d'una manifestación ciudadana de refugu a los actos oficiales y afitamientu de qu'hai otra "sociedá asturiana" viva y que nun comulga col réximen. Podríen incluso pesllar el día con dalguna actuación musical que mostrare les contradicciones de les contrataes pol gobiernu asturianu, anque esto sedría un añadíu prescindible. ¿Ye posible facelo?. Perfectamente. ¿Hai fuerces polítiques y sociales que taríen dispuestes a entamar esa movilización?. De xuro que sí. ¿Hai tamién fuerces que s'opondríen a ella prefiriendo entamar los sos actos privaos como otros años?. Pues si tamién les hai que salgan a la palestra a esplicar les sos razones que puen ser mui atinaes, nun lo duldo.
¿Ye posible? A un mes vista nun ye posible organizar esi actu que pides.
Primero porque lleva munchu tiempu y esfuerciu facelo y siendo "xunitario" hai que lo entamar enantes pa ver con quién se pue cuntar y con quién non pa entamar a desendolcar les coses.
Y, segundo, porque ye una data que tol asturianismu/nacionalismu (estupidamente pa min) tien como importante p'amosar el so proyeutu y quedrá facer tamién un actu propiu (como'l Bloque que yá tien acutáu un espaciu en Ḷḷena pal so actu).
Amás, que fuercies nun tien por qué habeles, por toos ye perconocíu'l posicionamientu de fuercies como'l SUATEA, CSI o Fai! que de nun haber daqué xunitario realmente, nun sofitaríen nada.
Entós lo que yera tan xunitario al final queda siendo l'actu de dos o trés partíos políticos cola so militancia y puntu.
MANIFESTACIÓN XUNITARIA DARRÉU!!!
y merucu xusticieru pa les vísperes del eventu!!!
¿Sera esta la mecha que por fin nos faiga reacionar y xunte a TOL asturianismu? ¡Basta de que se rian de nos! Manifestacion y silvatos nel conciertu! Un saludu.
SIIIIIIIII!!!! Garrai los xirones, les gaites, les banderes, TOU!!!
VALIÓ YA: ASTURIANOS, ESCONSONAI!!!!