Asturies debe 171,1 millones d'euros al Estáu

Les comunidaes de réxime común tendrán qu'ingresar 5.502 millones d'euros al Estáu como resultáu de la lliquidación definitiva del sistema de financiación, Asturies debe 171,1.

Esti ye'l resultáu de la financiación autonómica correspondiente al 2008, na que s'establez la diferencia ente'l rendimientu definitivu de los distintos recursos y les entregues a cuenta efectuaes.
  
La única escepción foi la de la Comunidá de Madrid, a la que l'Estáu debe más de 15.000 millones, pese a que nel casu de la recaudación por IVA, consta una deuda de 641,1 millones d'euros a favor del sistema.
  
El restu de les comunidaes y ciudaes autónomes taben en deuda col Estáu, -toes menos País Vascu y Navarra- siendo la más abultada la d'Andalucía, con un saldu negativu de 1.475,9 millones d'euros, siguida de Cataluña (690,7 millones d'euros), la Comunidá Valenciana (635,6 millones d'euros), Galicia (573,7 millones d'euros) y Castiella y Lleón (443,6 millones d'euros).
  
El restu de les comunidaes, por orde de mayor a menor deuda, son Canaries (340 millones d'euros), Castiella-La Mancha (265,1 millones d'euros), Estremadura (252,3 millones d'euros), Aragón (171,8 millones d'euros), Asturies (171,1 millones d'euros), Baleares (162 millones d'euros), Murcia (160,5 millones d'euros), Cantabria (125 millones d'euros) y La Rioxa (46,3 millones d'euros).
  
Per otru llau, l'Estáu tendrá qu'ingresar 2.460,4 millones d'euros en conceptu de recaudación por IRPF, amás d'otros 12,1 millones por impuestos especiales. Otra manera, nel casu del Fondu de Suficiencia, que cubre les necesidaes d'ingresos rexonales, la cantidá a pagar poles comunidaes autónomes ye de 4,264,3 millones d'euros, que se van sumar a otros 4,211 millones d'euros, por IVA.