La Coḷḷá Propinde participa na inauguración de Lorient

La Coḷḷá Propinde representará esta fin de selmana a Asturies nel 40 Festival Intercélticu de Lorient. El grupu ḷḷenizu va participar na xornada inagural, nun añu dedicáu a Bretaña.

Tres van ser les oportunidaes que van tenése pa poder sintir les músiques y cantares del grupu de La Pola Ḷḷena. La primera d'elles el mesmu Vienres 6 d'agostu, de magar les 22 hores na inauguración del Festival, nel recinto de la ‘Quait de la Bretagne’ , xunto colos grupos bretones Hitks y Pascal Lamour.

El grupu dará a conocer énte'l públicu bretón y tolos visitantes que tien esti festival, el más importante festival de música celta del mundu, el so tercer trabayu discográficu, ‘A Teyavana’.
 
El discu tien 12 cantares onde se combinen los temes de reelaboración tradicional y los de composición propia del grupu. Amás, nesta ocasión, cunta cola collaboración d'Esther Fonseca, que pon voz al cantar ‘2417’.
 
Ente la biografía de La Col.lá Propinde, destaca el premiu al meyor cantar n'asturianu'l añu 2003 por ‘L'emigrante’. A lo llargo del añu 2009 fueron banda sonora de la serie d'Antena3 "Doctor Mateo".