Israel amenaza con una respuesta contundente a cualquier ataque

Netanyahu afirmó qu'Israel considera a Líbanu y a Hamás, responsables de los ataques contra'l so territoriu asocedíos esta selmana y amenazó con dar una respuesta a la violencia.

"Quiero dexar claro a Hamás y al Gobiernu libanés que-yos consideramos responsables de la violenta prevocación a los nuesos soldaos", dixo'l primer ministru israelín nun discursu televisáu. "La nuesa política ye clara, Israel respuende y va siguir respondiendo con fuerza a cualquier ataque a los sos ciudadanos y los sos soldaos", alvirtió.

Cuatro persones, incluyíu un oficial israelín, morrieron el martes nun tirotéu ente tropes d'Israel y Líbano na frontera ente ambos países.
  
El llunes, una salva de cohetes de cortu algame llanzaos dende'l desiertu exipciu del Sinaí algamó puertos d'Israel y Xordania nel Mar Coloráu, provocando la muerte d'un ciudadanu xordanu. Netanyahu responsabilizó d'esi ataque al Movimientu de Resistencia Islámica palestín Hamás.
  
"Quiero dexar claro que l'usu d'un territoriu perteneciente a un tercer Estáu, que busca la paz, pa llanzar cohetes a Israel nun va ayudar a Hamás a eludir la so responsabilidá", añadió. Hamás, que gobierna la Franxa de Gaza, negó la so implicación nel ataque cometíu dende Exiptu.