Cuatro muertos nun enfrentamientu ente Líbanu ya Israel

La muerte d'un periodista y un soldáu elevó a cuatro'l númberu de libaneses que perdieron la vida mientres los enfrentamientos ente los Exércitos libanés ya israelín.

Coles mesmes, Israel declaró que'l Gobiernu libanés ye "responsable de los serios incidentes" d'esta mañana y alvirtió que "si siguen les violaciones, va haber consecuencies".

Según la versión hebrea, los incidentes empezaron dempués de que los soldaos libaneses dispararen contra dellos militares del cuerpu d'inxenieros del Exércitu israelín, según fontes de seguridá. Pela so parte, fontes de seguridá libaneses aseguraron que los soldaos israelinos intentaren "cortar un árbol dientro de territoriu de Líbano" y l'Exércitu libanés efectuó dellos disparos d'alvertencia, dempués de lo que "los israelinos respondieren cola so artillería".
  
Mientres la respuesta, un helicópteru israelín disparó dos misiles contra un puestu militar na aldega fronteriza de Adaisseh, nel sur de Líbanu, según informaron fontes de seguridá.
  
Aparte, la cadena de televisión del movimientu xiín libanés Hezbolá, Al Manar, aseguró qu'un militar israelín d'altu rangu morrió nos enfrentamientos y que l'Exércitu hebréu intentare sacar el cadabre d'una zona próxima a l'aldea d'Adaisseh.