Trabe convoca la edición 2010 del premiu 'Montensín'

Trabe convocó la edición 2010 del premiu 'Montesín' de lliteratura infantil y xuvenil, que cuenta con un premiu de 2.000 euros. El plazu de presentación acaba'l 13 de setiembre.

Asina lo anunció la editorial na so páxina web. Tolos interesaos puen yá mandar a la editorial les sos obres, que nun puen ser menores de 30 fueyes a una cara, en DIN A-4, mecanografiaes a doble espaciu.

Puen participar toles persones interesaes, soles o en grupu, sin límite d'edá, con obres de lliteratura xuvenil en llingua asturiana, yá seyan noveles, recopilaciones de cuentos, poemes o obres de teatru. Han ser inéditos y han tar sin premiu n'otros concursos como conxuntu, quier dicise, puen presentase obres de les qu'apaecieren fragmentos publicaos. El fallu del xuráu fairáse públicu antes del día 5 de payares.
  
La cuantía del premiu, a xuiciu del xuráu puen partise, si se considera oportuno conceder algún áccesit.