El Muséu de Grandas va mostrar en vivo oficios tradicionales

El Muséu Etnográficu de Grandas de Salime va entamar mientres el mes d'agosto actividaes que van mostrar en vivo oficios tradicionales en peligru de desapaición.

El proyectu, tituláu 'Oficios en peligru d'estinción: torneiros' va contar cola participación d'uún de los torneiros de mayor prestixu, Arturo Iglesias Martínez.
  
El mundu de los torneiros va ser el primer oficiu que los visitantes van poder contemplar y conocer en primer persona. El Muséu escoyó esti oficiu pola gran tradición nel suroccidente d'Asturies, porque queden bien pocos artesanos n'activo, pola so antigüedá y pol aprovechamientu que se fai d'una materia prima bien abondosa na rexón, la madera. Amás, el centru cuenta ente'l so personal con unu de los torneiros de mayor reconocencia nel oficiu, Arturo Iglesias Martínez.
  
Asina, Iglesias va mostrar el so arte tolos martes y vienres d'agostu ente les 11.30 y les 14.00 hores, sobre l'horru de cubierta de centenu del Muséu. Namás va utilizar la técnica mecánica, pola qu'estos profesionales sírvense d'un tornu pa crear los cacíos de madera.
  
L'actividá, amás d'ofrecer la oportunidá de contemplar al torneiro en plenu desarrollu del so oficiu, presenta una esposición de pieces torniaes tales como saleru, xarres, embudos, ferramientes propies del oficiu y dellos tipos de tornos.