El xuez ordena la captura de los militares acusaos de matar a Couso

El xuez de l'Audiencia Nacional Santiago Pedraz ordenó la busca y captura de los tres militares estaoxunidenses presuntamente responsables de la muerte de José Couso.

La midida tien l'envís de que puean estraditalos a España. Amás, solicitó al Conseyu Xeneral del Poder Xudicial (CGPJ) autorización pa desplazase a Iraq la próxima seronda y realizar una inspección ocular del llugar onde se produxeron los disparos qu'acabaron cola vida del cámara.
 
La decisión del titular del Xulgáu Central d'Instrucción númberu 1 ye consecuencia de la decisión del Tribunal Supremu de reabrir el casu la segunda vegada, dempués de que lu archivare la Sala de lo Penal de l'Audiencia Nacional, que revocó'l procesamientu de los trés militares.
    
Agora, Pedraz vuelve "imputar al teniente coronel Philip de Camp, el capitán Philip Wolford y el sarxentu Thomas Gibson un delitu contra la comunidá internacional, en concursu con un delitu d'homicidiu, en relación col ataque a población civil cola causación de la muerte del señor Couso y l'actu o amenaces de violencia  cola cuenta d'amedranar a la población civil o los periodistes". El xuez considera qu'esisten "motivos bastantes pa creer responsables criminalmente" d'estos fechos a los trés acusaos.
  
Según el relatu de fechos que consta nel autu dictáu por Pedraz, De Camp foi la persona que "dio la orde directa de disparar" contra l'Hotel Palestina, pese a saber que s'atopaba en zona civil y taba ocupáu por periodistes; Wolford tresmitió la orde y Gibson foi "el que materialmente efectuó'l disparu" que mató a Couso y a otru periodista, Alifaces Protsyuk, de l'axencia Reuters, y provocó firíes graves a otros trés reporteros.
  
Dada la gravedá de los "fechos imputaos" y teniendo en cuenta que les autoridaes de Estados Uníos nun cooperaron hasta'l momentu, al nun responder a la ufierta de que la comisión xudicial se desplazare a esti país pa toma-yos declaración, Pedraz acuerda la busca y captura y ingresu en prisión de los trés militares, a efectos d'estradición, "cómo única midida efectiva pa toma-yos declaración y asegurar la presencia de los mesmos nel procesu".
 
POSIBLE DESPLAZAMIENTU A EEXX
  
Pa ello, pide a la Comisaría Xeneral d'Información, al Serviciu d'Información de la Guardia Civil y al Centru Nacional d'Intelixencia (CNI) que practiquen "les xestiones oportunes" p'averiguar el paraderu de los trés militares, tomando "les midíes que consideren necesaries". Ente elles, dirixir les oportunes solicitúes d'información y intelixencia a los servicios de seguridá de los países que puean tener datos qu'aportar, asina como "si ye preciso y dientro de les llendes llegales de la so actuación, el desplazamientu a Estados Xuníos pa realizar les investigaciones oportunes".
  
Sicasí, puesto que cuando tuvieron llugar los fechos n'Irak había otra Alministración n'Estaos Xuníos, Pedraz contempla que "agora podría esistir la posibilidá d'una efectiva cooperación, antes refugada", polo que, nuna providencia tamién dictada güei, llibra una solicitú d'auxiliu xudicial al Gobiernu de Barack Obama pa que declaren los trés militares y pa que se recabe del Departamentu d'Estáu, del Departamentu de Defensa y de Xusticia de Estados Xuníos, declaración íntegra de la documentación obrante sobre los los fechos investigaos.
  
Amás d'ordenar siguir cola instrucción, el xuez acuerda practicar les dilixencies que yá ordenó'l 20 de mayu del 2008 y que nun se realizaron. Asina, pide a la Comisaría Xeneral d'Información qu'alcuentre a los periodistes de les televisiones  Al Yazira y Abu Dhabi pa qu'empresten declaración pa esclarar "cómo se produxeron los ataques a les respectives sedes de diches televisiones nel mesmu día a que se refieren los fechos que s'investiguen na presente causa".
  
De la mesma manera, encamienta a que se repita la comisión rogatoria llibrada a Irak pa que s'autorice al desplazamientu de la comisión xudicial de l'Audiencia Nacional al llugar de los fechos,  con cuenta d'efectuar la oportuna reconocencia xudicial y, "na midida de lo posible", una reconstrucción de los fechos.
  
Sicasí, como "nun se llogró respuesta" na primer solicitú, Pedraz acuerda realizar una inspección ocular de los llugares de los fechos", pa lo que nun ve necesario cursar una comisión rogatoria, yá que "nun se precisa cooperación xudicial" de Irak nin "asistencia dalguna d'autoridaes o funcionarios de dichu país". "Trátase d'una mera inspección ocular -esplica-, pa lo que basta que la comisión xudicial se desplace a Bagdad pa in situ ver los llugares de los fechos y asina'l puente Jamuroahora, l'hotel Palestina y les sedes de les televisiones Al Yazira y Abu Dhabi, documentándolo pente medies de videu con zoom oportunu".
  
En concretu, el xuez establez que la comisión xudicial taría integrada pol instructor, el secretariu xudicial y un funcionariu del xulgáu, el Ministeriu Fiscal y les partes si lo estimen oportuno y, "namás en casu de qu'a él s'empresten voluntariamente", los periodistes testigos de los fechos Olga Rodríguez Francisco, Jon Sistiaga Escudero y Jesús Manuel Hernández Quiñonero, que podríen indicar a la comisión los llugares exactos de los fechos.
    
Coles mires de poder realizar esti desplazamientu, que se realizaría ente los meses d'ochobre y payares d''esti añu, el maxistráu solicita al máximu órganu de gobiernu de los xueces que-y conceda la oportuna comisión de servicios.
  
Na so sentencia del pasáu 13 de xunetu, el Tribunal Supremu defendía que la estratexa bélica denominada "d'impactu y terror" sobre persones protexíes en casu de conflictu armáu "ye penalmente imputable al que tenga dominiu sobre la dirección específica de les operaciones béliques".  Asina, estimaba que, indiciariamente, los fechos "podríen incardinarse nos artículos 611, 608 y 617 del Códigu Penal (qué preven condena por ataques indiscriminaos o escesivos a la población civil, con ocasión d'un conflictu armáu), asina como en determinaes normes del Derechu Internacional Humanitariu.
   
Trátase de la segunda vez que'l Tribunal Supremu ordena a l'Audiencia Nacional reabrir el casu, dempués de que n'avientu del 2006 l'altu tribunal anulare un primer archivu de la causa refugando que'l fallecimientu pudiere incardinarse nun actu de guerra'.  Na so resolucióni, el Supremu caltién que l'autu de l'Audiencia Nacional antemanaba "una sentencia absolutoria cuando nun s'acabaren les dilixencies d'instrucción".