Defensa devuelve unes factures por tar en catalán
|
27 Xunetu, 2010 por Damián Barreiro
- Inicie sesión o rexístrese pa espublizar comentarios
La Base Aérea de Zaragoza, agrupación dependiente del Ministeriu de Defensa, devolvió tres recibos que-y facturara una empresa municipal catalana por tar escrites en catalán.
El Conceyu de Figueres recibió una carta roblada pol comandante del negociáu de contratación de la base del exércitu del Aire de Zaragoza, Francisco Javier Ochoa Grandes, que dicía que se devolvíen les factures col oxetivu que se traduxeren al castellán. El recibu, correspondiente al serviciu d'agua, alcantarelláu y basura, llega a los 227,49 euros.
Al facese públicos los fechos, el Ministeriu de Defensa declaró que se trata d'un fechu aislláu y aseguró que se va acabar pagando les factures, anque tean escrites en catalán.
El conceyu tamién efirmó que, anque tán en catalán, les factures puen entendese perfectamente, yá que los conceutos que figuren son tecnicismes que gairebe nun camuden del catalán al castellán.
Efrén d'Andrés
