Termast ufre la terminoloxía postal n’asturianu

|

Dientro de los vocabularios téunicos que van integrándose na nueva propuesta de l'Academia de la Llingua Asturiana (Termast) apaez agora la estaya dedicada al vocabulariu postal.

Esta propuesta del vocabulariu más común pal públicu en xeneral y entre los trabayadores de la estaya de Correos vien aconceyar coles propuestes que lu preceden. 'Términos postales' ufre cerca de cuatrocientes pallabres ya amiesta tamién el vocabulariu que s'emplega nel corréu electrónicu.
 
El so autor ye Xandru Martino Ruz, llicenciáu en filoloxía francesa pola Universidá d'Uviéu, especialista n'asturianu pola mesma Universidá y Funcionariu de Carrera del Ministeriu de Fomentu destináu en Correos.
 
Esti ye’l quintu trabayu del Centru de Terminoloxía Asturiana (Termast) tres ‘Términos básicos d'Economía y Empresa de Guillermo Ovidio Villa Balbona y Fernanda Valdés Rodríguez; ‘Terminoloxía Xurídica y Alministrativa’ de Nicolás Bartolomé Pérez; ‘Terminoloxía Matemática’ de Rubén Fernández Martínez; y ‘Terminoloxía Médica’ de Xesús González Rato.
 

Contador Estadistiques