La RAG presenta un recursu contra’l ‘decretazu’

La Real Academia Galega presentó un recursu contencioso-alministrativu contra’l decretu del gallegu nel enseñu non universitaria del Executivu conservador gallegu.

Según la institución llingüística gallega, el presidente de la Xunta de Galicia, Alberto Núñez Feijoo foi alvertíu primeramente''por razones de tresparencia y llealtá institucional''.

El Decretu del gallegu, conocíu como ‘decretazu’, fala d’una educación en gallegu, castellán ya inglés a partes iguales. El nuevu testu rebaxa la presencia del gallegu comparáu con anterior decretu, nel que les escueles impartíen les asignatures nel idioma mayoritariu del escolín, siendo’l profesoráu’l qu’afitaba la llingua más usada ente los alumnos al traviés d’encuestes sociollingüístiques.

Mientres, nos graos superiores establecíase un mínimu del 50% de materies en gallegu. Esi testu fora aprobáu pol bipartitu PSOE-BNG en 2007 y nél participó’l PP hasta’l momentu de la so aprobación

Col nuevu decretu, la Xunta de Galicia quería que nel momentu de formalizar la matricula, los padres decidirán el modelu llingüísticu del centru escolar. Sicasí, retiró la consulta por falta de cobertoria llegal.  Con too, Feijoo anunció qu’enantes de que fine la llexislatura quier sacar alantre una llei que permita la consulta alos proxenitores