Deportistes d’ésitu y concienciaos no llingüístico

Esti branu los deportistes que dan la cara pola oficialidá tán faciendo l'agostu. Samuel Sánchez, David Villa y Juan Mata tán recoyendo ésitos importantes nes sos disciplines.

De la mesma manera, dende la Xunta pola Defensa de la Llingua, quieren aprovechar pa dar ánimu a los que por tar mancaos, como Santi Cazorla, nun pudieron participar nes competiciones. “Tamién ye'l momentu de felicitar al colexáu Manuel Enrique Mejuto González, qu'hai poco, retiróse d'una brillante carrera como árbitru internacional”, apunten.

Hai que recordar tamién que foron munchos deportistes asturianos los que sofitaron la campaña del CAO, Doi la Cara pola Oficialidá, y qu'amás pertencen a diferentes modalidaes deportives.