Montilla pide a Zapatero recuperar íntegramente l'Estatut

El presidente de la Generalitat, José Montilla, pidió al presidente del Gobiernu, José Luis Rodríguez Zapatero, "refacer" el pautu políticu pa "recuperar íntegramente" l'Estatut.

Amás, pidió "xestos políticos", "actitúes y comportamientos" pa "eliminar" el dañu que, al so xuiciu, el TC creó "na confianza" y la moral" de los catalanes.
  
Montilla almitió qu'estos "xestos políticos" son difíciles de concretar -y de fechu  nun concretó nengún- pero añadió que tienen de facese "nes próximes selmanes y meses", según dixo en rueda prensa depués de más de dos hores de xunta con Zapatero.
  
Al so xuiciu, Zapatero "entendió'l retu" y, según dixo, na xunta nun baxaron al detalle de ver qué aspectos del Estatut puen recuperase. En tou casu, avisó que nun va bastar con dar a Cataluña "una, dos, o tres" transferencies, o reformes llegales, sinón que fai falta un nuevu "impulsu políticu" pa "intentar superar la desafección".