La mitoloxía asturiana sedrá protagonista nel Canal Historia

Cuélebres, trasgos y demás seres de la mitoloxía asturiana van protagonizar próximos capítulos de la serie 'Monstruos de leyenda' de la Canal Historia.

Un equipu de la emsiora ta güei n'Asturies pa grabar, a lo llargo de tola selmana, dellos reportaxes sobre la tradición asturiana. Berto Álvarez Peña va ser l'encargáu de repasar les lleendes mitolóxiques del país.
 
La serie va emprestar especial atención a los seres lexendarios y misteriosos qu'habiten nes rexones asturianes como la culiebra xigantesca Cuélebre, el famosu duende Trasgu, Busgosu o Musgosu, o'l conocíu como señor de los montes, Home llobu o Pataricu. Mientres los díes de grabación, l'equipu de la Canal Historia va visitar distintes poblaciones asturianes onde éstes lleyendes sobrevivieron al pasu del tiempu.
 
La serie 'Monstruos de leyenda', qu'estrena la segunda temporada, recrea los seres lexendarios y misteriosos qu'habiten a lo llargo del planeta. Los reportaxes van emitise n'España y Portugal mientres los próximos meses.