Los sones d'El Carmen na TPA

TPA dedica mañana domingu, 18 de xunetu, la gala de música asturiana 'Sones' al Festival de Cantares de Cangas, que tien llugar dientro de los festexos d'El Carmen.

La cadena autonómica va emitir esti espaciu, de 22:00 a 23:30, dende'l Teatru Toreno de Cangas, pol que van pasar los meyores representantes de la tonada, la gaita y los bailles del suroccidente.

El programa, presentáu por Sonia Fidalgo (Conexión Asturias. Fin de semana), va cuntar coles actuaciones de Manuel López, “Carujo”; Manuel Santiago Menéndez; Soledad Rodríguez Corros; Manuel Rubio; Enrique Riolo Martínez; Antonio Álvarez, “Chicote”; Adotino, “Tiso”; José García García; José Manuel Tueru Abargane; Alicia; y José Manuel Pérez Rodríguez como representantes de la tonada.

La Coral Polifónica de Cangas va ser la encargada d’abrir esti festival d'hora y media de duración. Nun va faltar la gaita de la mano de Pablo Carrera, nin el cantar popular cola guitarra y la voz de Pedru Pereira. Los bailles de los grupos folclóricos ‘Baille y Pandeirada’ van asocedese a lo llargo del programa que va cerrar cola actuación del grupu folk Brandal.