Almitíu a trámite'l recursu contra la baxada salarial a funcionarios

La Sección Sesta de la Sala de lo Contencioso-Alministrativu l'Audiencia Nacional, almitió a trámite'l recursu contenciosu-alministrativu contra'l recorte salarial a los emplegaos públicos.

El recorte foi aprobáu pol Gobiernu socialista nel marcu del decretu antidéficit y el recursu vien de les federaciones de la área pública de CC.OO. 
 
Dase la circunstancia de que foi esta mesma Sección  l'Audiencia Nacional la que nel so día dictó sentencia escontra la baxada salarial a los funcionarios llevada a cabo pol Gobiernu del PP en 1996.
 
El sindicatu celebró nun comunicáu l'almisión del so recursu, y precisó que con él se pretende dar algame xurídicu a tol personal afectáu pola midía. CC.OO. quier que los tribunales establezan otra vegada los derechos retributivos de los emplegaos públicos a la situación anterior a esa decisión gubernativa de "confiscación de los sos xornales".