Mottaki diz qu'Israel nun tien el valor" p'atacar a Irán

|

El ministru d'Esteriores iranín, Manucher Mottaki, consideró que'l Gobiernu israelín nun tien valor como pa atacar Irán y repitió'l derechu" a contar con enerxía nuclear pa fines pacíficos.

Coles mesmes, denunció nuevamente'l "doble raseru" de la comunidá internacional que sanciona a Teherán pero non a Israel pese al delitu" que supunxo l'saltu contra la flotina solidaria con sofitu pa Gaza.
  
Mottaki, que s'atopa de visita en Madrid y ayeri axuntóse col so homólogu español, Miguel Angel Moratinos, afitó que'l Gobiernu de Mahmud Ahmadineyad nun tien mieu a un ataque d'Israel y considera que l'Executivu que preside Benjamin Netanyahu nun tien "el valor de poder atacar a Irán".
  
Pela so parte, dixo, Irán tampoco tien la intención atacar  Israel ya que nos sos "7.000 años d'historia" nun protagonizaron "nunca" agresiones, sinón que "fuimos atacaos territorialmente".
  
Coles mesmes, nun alcuentru con periodistes españoles, sorrayó que "naide pue borrar del mapa nada" como quedó demostrao pol fechu de que nun se suprimió a Sudáfrica magar qu'esti país cuntó dellos años con un réxime d'apartheid.
  
Según Mottaki, la esistencia d'Israel ye resultáu del crime" que se cometió n'Europa na Segunda Guerra Mundial pero, preguntóse, "por qué tienen que pagar los musulmanes el preciu d'esi crime". Coles mesmes, aneció en que Teherán cree nuna solución política pa Oriente Próximu" que pase pola torna de los refuxaos y pola celebración d'un referéndum ente los residentes d'esi territoriu".
  
El xefe de la Diplomacia iraniana amosóse especialmente críticu col asaltu del Exércitu israelín a la flotina que llevaba ayuda humanitaria a la Faza de Gaza a finales de mayu y que se saldó cola muerte de nueve activistes pro palestinos.
  
Al respecto, denunció'l "doble raseru" de la comunidá internacional, y en concreto, del Conseyu de Seguridá de la ONU, porque ésti organismu sí aprobó apocayá un resolvimientu endureciendo les sanciones a Irán pol so programa nuclear, magar que Teherán dexó claro que ta "escontra les armes nucleares", pero nun fixo lo propio con Israel.
  
"Hasta agora los castigos yeren por un delitu cometíu, pero ¿qué delitu cometió Irán?", defendió Mottaki, aneciando en que "tener enerxía nuclear ye'l so derechu". Sicasí, Israel "atacó un barcu civil n'agües internacionales y mató a nueve persones" y el Conseyu de Seguridá de la ONX nun se pronunció al respective, llamentó.
  
"Desgraciadamente, l'actitú del Conseyu de Seguridá de la ONX respectu al dossier nuclear iranín nun foi xusta" nos últimos años, incidió'l ministru, sorrayando que "estes circunstancies nun puen durar".

Contador Estadistiques