15 ciudades optan a ser Capital Europea de la Cultura

Un total de 15 ciudaes opten a ser Capital Europea de la Cultura en 2016, una vegada rematáu'l plazu establecíu pol Ministeriu de Cultura p'apurrir la documentación necesaria.

De los dieciseis ciudaes candidatu primeramente, namás Palma de Mallorca nun apurrió'l so proyeutu, según informó'l Conceyu de San Sebastián.

El Consistoriu donostiarra recordó que la candidatura de Palma de Mallorca yera xuntu coles Illes Balears y tenía como idea central "Palma de Mallorca y les Islles Invisibles". Dende va unos meses, los impulsores d'esta candidatura "llamentaren la falta de sofitu d'instituciones, como'l mesmu Ajuntament de Palma de Mallorca".

D'esta miente, les candidates oficiales son San Sebastián, Santander, Pamplona, Burgos, Tarragona, Murcia, Córdoba, Málaga, Cáceres, Segovia, Alcalá  de Henares, Cuenca, Gran Canaria, Zaragoza y Uviéu.

A finales de setiembre, los responsables de caúna de les candidatures tendrán d'esponer de forma oral ante los miembros del xuráu designáu pol Ministeriu de Cultura, les llinies principales del so proyeutu, que yá de forma impresa apurrieron vía rexistru oficial.

Per otra parte, la concejala responsable de la Candidatura, Marisol Garmendia, va presentar mañana en Madrid el proyectu cultural de San Sebastián 2016 a diversos representantes culturales europeos, como'l director del Institutu Francés Serge Fohr y la directora del Institutu Polacu de Cultura Joanna Karasek.

El proyeutu cultural de San Sebastián 2016 "Foles d'enerxía ciudadana. Cultura pa la convivencia" articúlase al redor de tres  exes como son "Conviviendo (cultura de paz y educación en valores), Parolando (la Ciudá de les Pallabres, les Llingües y los Llinguaxes) y Confluyendo na Eurociudá Cultural Vasca". So estos tres exes principales, siete faros "allumen" otres tantes temátiques que tien el proyeutu SS2016.