De la Vega: "L'enfotu d'autogobiernu de Cataluña entra na Constitución"

De la Vega defendió que la sentencia del Constitucional sobre l'Estatut afita que l'enfotu d'autogobiernu catalán entra na Constitución y que podíen aforrase cuatro años de tensión.

En declaraciones a la Cadena Ser recoyíes per Europa Press, De la Vega dixo que la xunta que van caltener el presidente del Gobiernu, José Luis Rodríguez Zapatero, y el presidente de la Generalitat, José Montilla, va celebrase "en cuanto pase l'alderique d'estáu de la nación" y añadió que nella van poder analizar "de forma meyor forma" el fallu del Altu Tribunal.

La vicepresidenta esplicó que dambos mandatarios falaron con anterioridá de celebrar esti alcuentru, que, al so xuiciu, ye "importante" falar sobre'l resolvimientu del Constitucional. Nesti puntu, De la Vega recordó lo importante de los acontecimientos asocedíos nes postreres 72 hores cola manifestación na que los catalanes reivindicaben con "endereza y decisión" el so "sentimientu identitariu y la so voluntá d'autogobiernu".
  
Pa ella, esta idiosincrasia cultural y político" cristalizó nun testu estatutariu al que'l PP refugó" llexitimidá" dende'l primer momentu anque nun-y la negó a "otros estatutos asemeyaos quiciabes porque nun topetaben cola so estratexa partidaria de confrontación".
 
Mala idea ensin xacíu contra Catalauña
  
Mientres los cuatro años nos que'l Tribunal Constitucional deliberó sobre la norma estatutaria, criticó que se xeneró "una tensión, una engarradiella, una mala idea escontra Cataluña dafechu ensin xacíu, non sensata, irresponsable y ensin proporción". Y resumió qu'esa tensión pudo aforrase vista la sentencia del Estatut.
  
D'acordies col númberu dos' del Gobiernu'l fallu pon de manifiestu que'l marcu políticu que configuró l'Estatut entra dientro de la Constitución española. "Hubo normalidá democrática ya institucional -afitó-. Avanzóse nel autogobiernu y púnxose de manifiestu daqué más importante que ye qu'esi deséu d'autonomía y d'autogobiernu basada na so identidá, que quier perafitar agora'l pueblu catalán, entra nel marcu del nuesu modelu plural y diversu que ye la Constitución".
  
Nestos términos, afitó que'l Gobiernu va trabayar dende "la razón democrática, incluyente ya integradora" porque cree qu'hai "blimes abondes" pa buscar l'entendimientu que dexe encarrilar el deséu qu'espresó "con ciertu disgustu" el pueblu catalán. Asina, añadió que los responsables políticos tienen d'atender, entender y espresar en términos políticos" el conteníu que la sentencia respuende por ello
  
Dixo que son "escases" les declaraciones d'inconstitucionalidá, que'l TC nun altera'l marcu políticu ya institucional que l' Estatut configuró y qu'hai "marxe" pa buscar esi entendimientu ente España y Cataluña. "El desendolque estatutariu busca esa canalización d'esi sentimientu identitariu qu'hai qu'atender", finó.