Cienfuegos y Fernández Romero sustituyen a los miembros del Bloque

La Executiva d'IX aprobó la propuesta pa que Marcos Cienfuegos y Luis Miguel Fernández Romero seyan los nuevos direutores de l'Axencia de Cooperación y de la de Discapacidá.

La propuesta venía de la Conseyera de Bienestar Social y Vivienda, Noemí Martín, y según informa IX, d'esta miente la formación apuesta por dos persones con "esperiencia" de gobiernu y "solvencia política" que tamién desenvuelven xeres de direición. Dambos incorporaránse a la dirección de la Conseyería de Bienestar Social tres el so nomamientu nel próximu Conseyu de Gobiernu.
Marcos Cienfuegos nació en Figareo (Mieres), el 19 d'abril de 1975. Ye conceyal nel Conceyu de Mieres, onde ocupó xeres de gobiernu como conceyal de Mediu Ambiente na anterior llexislatura. Ye miembru de la Executiva d'IX de Mieres y del Conseyu Políticu d'IX d'Asturies. Ye docente de carpintería nun centru de formación ocupacional. Participó nel movimientu asociativu xuvenil de les Cuenques Mineres y nel sindicatu CCOO.

Pela so parte, Luis Miguel Fernández Romero nació n'Avilés el 17 de noviembre de 1969. Graduáu Social, na actualidá trabaya nel sector priváu y nel gabinete del Grupu Parlamentariu d'IX na Xunta. Na anterior llexislatura foi Direutor de l'Axencia Asturiana d'Emigración. Tamién foi conceyal nel Conceyu de Ḷḷena, onde ocupó la vicealcaldía ente 1999 y 2002.