Areces diz que la Seleición unió a una España “complexa no político”

|

Vicente Álvarez Areces afirmó tres el trunfu de la Seleición nel Mundial 2010, que “esta España plural, tan complexa dacuando nel alderique políticu, xunióse como nunca nel deporte”.

"El xuegu d'España xunió a el españoles al redor del deporte, a una seleición que se caracterizó, sobremanera, pol conxuntu onde había una estraordinaria calidá”, señaló’l Presidente del Principáu, que calificó’l so sentimientu como “dafechu positivu”, apuntando que los xugadores españoles intentaron siempres practicar el fútbol.

P’Areces sedría una auténtica inxusticia qu'Holanda ganara porque’l so xuegu taba destináu puramente a torgar qu'España xugara.

Sobre’l xugador autor del gol del trunfu, Iniesta, Areces afirmó que yera escepcional como persona, como deportista y na brillantez del so fútbol. “Yo creo que sintetiza felizmente lo que güei ye la Seleición española de la que nos sentimos bien arguyosos”, afirmó.

Sobre l’asturianu David Villa, el Presidente solliñó que quedó a les puertes de ser el máximu goleador del Mundial, “tamos arguyosos del papel que xugó nesa Seleición de conxuntu y tamién d'individualidá porque meter cinco goles nun Mundial nun ye nada fácil, los asturianos tiénen-y un gran ciñu y van recibilo como se merez”

 

Contador Estadistiques