Ecoloxistes presenten suxerencies a un nuevu parque eólicu n'Os Ozcos

La Coordinadora Ecoloxista presentó suxerencies nel trámite de consultes d'un parque eólicu n'Os Ozcos (yá son 6 parques) que se va instalar en Vilanova, na frontera con Santalla.

Esti nuevu parque ye'l Regodeseves por parte d'Iberdrola con 20 aerogeneradores de dos Megavatios de 78 metros d'altor de buxe, 90 metros de diámetru de rotor dientro de la reserva de la Biosfera 'Riu Eo, Ozcos y Terras de Burón'.

Esti parque eólicu ye unu de los 96 parques previstos nel occidente asturianu onde se van a poner 1.451 aerogeneradores. Polo tanto l'impactu de toos ellos tien un efectu acumulativu, onde hai que sumar los impactos de les llínies d'evacuación y les soestaciones llétriques, polo que los ecoloxistes entienden qu'esti conxuntu precisa sometese a la Evaluación d'Impactu Estructural.
  
"Va afeutar a numberosos núcleos de población por proximidá; Regodeseves Vega del Cuetu, Martul, Regodeseves, Bustapena. Polo que resulta evidente qu'estos parques tendría de sometese a una evaluación completa d'alcuerdu a la Llei 9/2006, de 28 d'abril, sobre evaluación de los efectos de determinaos planes y programes nel mediu ambiente", caltienen.