Zapatero: "La presidencia llogró una meyora haza'l gobiernu económicu"

Zapatero afirmó que la presidencia española de la XE, que finó'l pasáu 30 de xunu, llogró una meyora sustancial" haza'l gobiernu económicu de la Xunión.

El presidente del Estáu afirmó nel Parllamentu Européu que puxó pola creación del fondu de rescate pa Grecia y el fondu d'estabilización de la eurozona, el refuerzu del Pactu d'Estabilidá y la puesta en marcha de la nueva estratexa económica 2020.
  
"Xeneremos nesti periodu resultaos de gran caláu. Producióse una meyora sustancial nel gobiernu económicu. La prueba más evidente ye que se punxeron en marcha nuevos preseos de cooperación pa encarar situaciones de dificultá, hasta agora inéditos na Unión", dixo Zapatero nun discursu ante la Eurocámara pa presentar les resultancies de la presidencia española. Y citó espresamente'l mecanismu de 110.000 millones d'euros pa sofitar a Grecia y el fondu de rescate de 750.000 millones d'euros pa evitar l'andada a España y Portugal.
  
El presidente del Gobiernu resaltó que mientres la presidencia española consolidóse una "nueva perspectiva pa dar seguranza d'una forma más esixente'l cumplimientu del Pactu d'Estabilidá", tantu "p'aplicar incentivos como sanciones, como defendió la presidencia rotatoria española dende un primer momentu". El Pactu establez una llende máxima de déficit del 3% del PIB y de delda del 60%.
  
Tamién s'avanzó de manera determinante" na aprobación de la reforma del sistema de supervisión de la UE, según Zapatero, qu'auguró que "en pocos meses" los Ventisiete van cuntar con un "nuevu marcu de regulación" pa prevenir nueves crisis. La reforma sigue pendiente del alcuerdu ente la Eurocámara y los Gobiernos.
  
L'otru gran llogru de la presidencia española en materia económico foi, a xuiciu del presidente del Gobiernu, l'aprobación de la nueva estratexa de crecedera y emplegu hasta 2020. "Una estratexa más ambiciosa pa la nuesa competitividá, pa la innovación, pa la xeneración d'empléu, pa la inclusión social", dixo.
  
Finalmente, el presidente del Gobiernu destacó'l compromisu de los líderes europeos de publicar en xunetu les resultancies de les pruebes de estrés a los bancos europeos. "Ensin dala dulda, esa fórmula de trasparencia va dexar restaurar parte del enfotu que se cuestionó mientres esti periodu", caltuvo Zapatero.