El Centru d'Interpretación Gaiteru Lliberdón va inagurase mañana

El viceconseyeru de Promoción Cultural, Fernández León, va inaugurar mañana, a les 12.00 hores, el Centru d'Interpretación del 'Gaiteru Lliberdón', allugáu en Lliberdón (Colunga).

Según informó'l Conceyu, al actu van asistir, ente otros, l'alcalde de Colunga, Rogelio Pando, acompañáu d'otros miembros de la Corporación Municipal, familiares del 'Gaiteru Lliberdón' encabezaos pol so nietu Juan Miranda, y los miembros del Xuráu del Certame de Gaita Asturiana 'Premiu Gaiteru Lliberdón'.

Esti nuevu equipamientu cultural del Conceyu de Colunga rinde tributu a Ramón García Tuero, más conocíu como 'Gaiteru Lliberdón', nacíu en Arroes (Villaviciosa) en 1864 y fináu en Lliberdón (Colunga) en 1932, pueblu natal de la so esposa y del que foi un auténticu embaxador fuera de les nueses fronteres averando la música tradicional asturiana al traviés de la so gaita. Foi pioneru en realizar grabaciones discográfiques y actuaciones n'emisores de radiu a principios del sieglu XX.