Entama un cursu sobre los proyeutos llingüísticos na educación

Güei entamó’l cursu ‘'El tratamiento integrado de las lenguas y el desarrollo de proyectos lingüísticos' dirixíu a docentes de toles árees y materies, especialmente les llingüístiques.

L'oxetivu d'esta xornada ye ufiertar orientaciones metodolóxiques y didáutiques rellacionaes col tratamientu integráu de les llingües  y cola necesidá d'un abordaxe integráu de les mesmes nel marcu d'un plan llingüísticu común de centru, pa lo cual preséntense esperiencies de proyeutos llingüísticos desenvueltos por distintos centros d'Asturies, según informó'l Gobiernu.

Mientres el mes de xunetu tán programaos un total de 7 cursos, que tán rellacionaos con matemátiques, competencies básiques, una aula pal mundu dixital, esperiencies metodolóxiques, autonomía de los centros, o xestión económica nos centros públicos. Tán empobinaos al profesoráu de distintes etapes educatives, equipos directivos y secretaríes de nueva incorporación, dientro del Plan Rexonal de Formación del Profesoráu.