Cataluña equipara la presencia de catalán y castellán nos cines
|
30 Xunu, 2010 por Damián Barreiro
- Inicie sesión o rexístrese pa espublizar comentarios
El Parllamentu catalán apruebo la so ‘Llei del cine’ colos votos del tripartitu (PSC, ERC y ICV-EUiA) y CiU. El testu garantiza la equiparación de castellán y catalán nes sales del país.
El Partíu Popular y de Ciudadanos refugaron la llei, depués de qu’en febreru yá superara les enmiendes a la totalidá d’estos dos partíos. La llei, amás d'obligar a distribuyir la metá de les copies doblaes o subtitulaes en catalán, preve l'aplicación de sanciones nel casu d'infracción y tamién propón midíes pa fomentar el cine européu en versión orixinal subtitulada y el cine de producción catalana.
El conseyeru de Cultura y Medios de Comunicación, Joan Manuel Tresserras, aseguró que ye una llei posible, oportuna y daechu necesaria que corrixe una anomalía llingüística.
La propuesta de llei motivó un polémicu zarru de los cines el llunes de la selmana pasada. Dellos empresarios, miembros del Gremiu d'Empresarios de Cines de Cataluña, cerraron les sales pa protestar contra la llei del gobiernu.
Efrén d'Andrés
