Teatru Contraste estrena ‘Tuxa’ en Villaviciosa

Esti martes 6 de xunetu, a les 22:00 nel Teatru Riera, ta previstu l'estrenu de la obra teatral "Tuxa", promovida pol Serviciu de Normalización llingüística de la Comarca de la Sidra.

La obra ye un repasu de la vida y obra de la escritora maliayesa Tuxa Villaverde (Tornón 1882-1934), personalidá que s’intenta recuperar. Dirixida por José Luis Campa, la pieza inclúi fragmentos de la propia obra de Tuxa, combinaos con partes biogrfiques, con testos adaptaos y ellaboraos por autores de la talla de Lluis Portal, Miguel González Pereda o Etelvino González López.

Tuxa, un de los nomatos nos qu’escribía les sos cróniques y poesías, era una gran defensora del asturianu que llegó dicir que sintía la decadencia del bable de los nuestros amores y, sobre tou,” qu’hebia asturianos que d’ella esperimenten vergüenza, al empar que facemos fervientes votos pa que nos fíos de Pelayu prenda una chispa siquier de cariñu”.

Mui trabayada n'escenografía y na interpretación (pa la que se cunta cola presencia de miembros del Grupu de Teatru Carbayín), Tuxa ye una muestra más de como'l teatru n'asturianu pue algamar altos niveles estéticos fuxendo de los tópicos costumistes tradicionales.