Montilla refuga convocar un referendu o una consulta

El presidente de la Generalitat, José Montilla, refugó convocar una consulta o un referendu pa que la ciudadanía catalana diga si comparte o non el recorte del Estatut pol Constitucional.

En rueda prensa tres el Consell Executiu, Montilla indicó qu'él ye favorable a que se pongan sobre la mesa toles iniciatives posibles pa encarar el recorte, siempre y cuando se produzan "dientro del marcu del Estáu de derechu".

"Yo nun pueo convocar un referendu. Nun Estáu de derechu les coses tienen que facese según el reglamentu xurídicu vixente", añadió Montilla en referencia a la demanda que güei espresaron los sos socios nel Govern, ERC y ICV-EUiA.