Ecoloxistes recuerda l’acumulación d’eólicos nel Occidente

La Coordinadora Ecoloxista presentó suxerencies nel trámite de consultes del primer parque eólicu previstu en Pravia, ún de los 96 previstos pal Occidente.

El parque de Pravia  va tener 3 aeroxeneradores de 3  Mw de 100 metros d'altor de buxe (lo mesmo qu'un edificiu de 33 altores) y 116 metros de diámetru de rotor. En total, en tola fastera occidental, van ponese 1451 aeroxeneradores.

Según los ecoloxistes l'impactu de toos ellos tien un efeutu acumulativu, “onde hai que sumar los impactos de les llinies d'evacuación y les subestaciones eléctriques, polo qu'entendemos qu'esti conxuntu precisa sometese a la Evaluación  d'Impactu Estructura”.
    
Del memu mou, piden una evaluación completa yá que señalen que va afeutar  a numberosos núcleos de población por proximidá; amás de la perdida de naturalidá (señalen que ye una zona con 50  aves, 29 mamíferos, 10 anfibios y 6 reptiles).

Recuerden tamién l’efeutu sobre les actividaes ganaderes y turístiques y l'apertura de pistes, “que supón una destruición direuta del suelu y espropiaciones de finques”. Tamién solliñen la destruición de la vexetación de la zona y la facilita d'accesu con vehículos a motor,

“Hai que recordar qu'Asturies ye una rexón excedentaria na producción eléctrica, a pesar de que tenemos el mayor consumu eléctricu per cápita por habitante, estos parques previstos toos ellos pal occidente, súmense a les 9 térmiques de gas previstes y a les térmiques que yá tenemos en funcionamientu de carbón y gas, lo que nos va facer mas excedentarios contra los criterios de lóxica enerxética”, señalen pa finar.