Gobiernu y PP preparen un pautu contra Batasuna

El Gobiernu del Estáu y el PP tán ultimando un alcuerdu pa evitar que la illegalizada Batasuna entre nes eleiciones, énte la posibilidá de candidatos del partíu nes llistes d'EA.

Según informaron a Europa Press fontes de la negociación, les postures averáronse, tán zarrándose los últimos flecos y l'acuerdu podría tar llistu esti mesmu llunes.
  
El ministru del Interior, Alfredo Pérez Rubalcaba y el voceru del PP en materia de Xusticia, Federico Trillo, caltuvieron contactos mientres los últimos díes de la selmana pasada col fin de dar un impulsu a la reforma de la Llei Electoral pa torgar a Batasuna o a cualquier de les sos marques qu'aprovechen les requexos llegales y llogren tar nes elecciones, dempués de que miembros de los sos equipos tuvieren negociando mientres l'últimu mes y mediu.
  
Ello ye qu'esti domingu, tres l'homenaxe a les víctimes del terrorismu, víense nel Congresu Rubalcaba, Trillo y los diputaos del PSOE y el PP, respectivamente, Txiki Benegas y José Antonio Bermúdez de Castro. La intención ye realizar un plantegamientu conxuntu na subcomisión qu'estudia la reforma de la Llei Electoral Xeneral y que se reúne mientres esti llunes.
  
El plantegamientu realizáu pol PP consiste en que nun seyan necesarios los mesmos requisitos pa impugnar una llista que ta instrumentalizando o utilizando a un partíu llegal, que los qu'han tar presentes pa ilegalizar un partíu.
  
Por ello, propunxeren qu'una llista puea impugnase si nella hai "persones que llexitimen la violencia o xustifiquen el terrorismu", mientres que pa ilegalizar un partíu ye necesario demostrar qu'hai una sucesión d'estructures, organización, persones que la componen o que lo alministren, fontes de financiación o otres circunstancies coincidentes.
  
L'argumentu de los populares al proponer esta fórmula yera que les condiciones que dan llugar a ilegalizar un partíu nun puen ser les mesmes que les que favorecen la impugnación de les llistes d'un partíu llegal instrumentalizáu por otru illegal, porque nesi casu, afirmen, procederíase directamente a la illegalización d'esi partíu que instrumentalizáu.
  
Por ello, propunxeron que fuera abondo, pa impugnar una candidatura, el fechu de se dea alguna de les causes que dexen deducir que Batasuna istrumentalizó les candidatures del partíu llegal, que nesti casu podría ser EA.
  
Les fontes consultaes por Europa Press espliquen que s'averaron les posiciones sobre la base d'esta propuesta y que se taben zarrando esti llunes los últimos flecos pa zarrar un acuerdu.
  
Nel pautu qu'ultimen Gobiernu y PP tamién s'inclúin otres cuestiones como l'ampliación del plazu pa recurrir candidatures hasta'l mesmu momentu de les eleiciones, o qu'un electu puea perder tal condición si, anque refugare la violencia de primeres, depués se comprobare que nun yera real la so desvinculación de la mesma.