Álvarez afirma que nun hai pidimientu de comisión sobre la Campa Torres

28 Xunu, 2010 por E.P. / Redacción

Inicie sesión o rexístrese pa espublizar comentarios

Mercedes Álvarez señaló que nun-y consta que se constituyere una Comisión d'Investigación na Xunta Xeneral sobre los descubrimientos de la Campa Torres a pidimientu de PP y IU.

Amás, la conseyera de Cultura solliñó en Xixón que tampoco-y constaba que se solicitare la so creación por nengún partíu políticu, "nin conxuntamente nin por separáu", añadió.

Sicasí, apuntó que si se crea, "ellí vamos tar, evidentemente", dixo al respecto de lo apaecío nun mediu en comunicación. Asina lo manifestó dempués de la presentación de la Selmana Negra nel edificiu de la Empresa Municipal d'Agua (EMA).

Según ella, a mediudía nun había nenguna comisión pidida nel Parlamentu asturianu. P'Álvarez, l'asuntu de la Campa Torres ta "esplicáu abondo por muncho que s'empeñe alguién en siguir con esti tema" y calcó na llegalidá de les actuaciones.

Comentarios

ubiña wrote on 29 Xunu, 2010:

Quedarán entós tapecíos los restos de la Campa Torres, y la pésima xestión de los mesmos, coles nories de la Selmana Negra. A la fin más de lo mesmo, anque lo que sorpriende de verdá ye que tan siquiera faigan l'esfuerzu d'investigar por qué unos restos de tantísimu valor taben trataos como si fueren basoria. "Ta esplicáu abondo" diz ella... que vergoña.