El Principáu aconceya col Institu Cervantes de Shanghai

La Conseyera de Cultura, Mercedes Álvarez, aprovechó la so visita a Shanghai pa visitar l’Institutu Cervantes de la ciudá china y falar de proyeutos en común cola institución.

Dientro de l'axenda d'actos previstos pola Conseyera de Cultura y Turismu en Shanghai, Mercedes Álvarez caltuvo un alcuentru cola Direutora Cultural del Institutu Cervantes de Shanghai, Magdalena Rosell, y visitó la esposición "Goya cronista de toles guerres: Los Desastres y la fotografía de guerra inaugurada'l pasáu 29 de mayu.

Nel alcuentru trataron les futures collaboraciones ente'l Gobiernu del Principáu y l'Institutu rellacionaes cola rede de biblioteques d'Asturies, venceyada a la recién inauguración de la biblioteca del Institutu Cervantes. Tamién incidieron nes posibilidaes de promocionar la ufierta cultura y turística en Shanghai.

L’Institutu

L'Institutu Cervantes ye una institución cultural pública española creada'l 11 de mayu de 1990 pol Gobiernu d'España baxu mandatu del presidente Felipe González y dependiente del so Ministeriu d'Asuntos Esteriores.

La so xera ye la promoción y enseñanza de la llingua española, asina como l'espardimientu de la cultura d'España ya Hispanoamérica. Pa ello cunta con 58 centros nel mundu, 1240 profesores y más de 1600 hores de clase al día. L'Institutu Cervantes toma'l so nome del escritor Miguel de Cervantes.