Eguiguren contactó cola esquierda abertzale y sabe del so "compromisu"

El presidente del PSE-EE, Jesús Eguiguren, contactó con cabezaleros de la esquierda política y sabe "de la seriedá del so compromisu" peles víes puramente polítiques.

Según la información publicada güei miércoles nel diariu Gara, el periódicu vascu asegura que'l documentu "Reflexones y propuestes pa un futuru de paz y convivencia" d'Eguiguren ta redactáu "contando con información fidedigna de la voluntá definitiva de la esquierda abertzale de trabayar puramente per víes pacífiques, polítiques y democrátiques".

Gara asegura que ye la conocencia d'esta voluntá lo que llevó al dirixente socialista a proponer al Gobiernu de Patxi López que, "ensin olvidar la preocupación pola seguridá", apueste por "poner en marcha tamién una política de construcción de la paz".
  
Nesti sen, apunta que'l presidente del PSE-EE "ta perfectamente informáu de que l'apuesta de la izquierda abertzale ye sincera y adoptóse con toles consecuencies". Según esta información, Jesús Eguiguren caltendría "contactos informativos" con líderes de la esquierda abertzale, polo que conoz "de la seriedá del so compromisu".