Múgica recibe 459 quexes d’asturianos

El Defensor del Pueblu, Enrique Múgica, recibió l'añu pasáu 459 quexes procedentes d'Asturies, 41 menos qu'en 2008, según amuesa l’Informe Añal de 2009 d'esta institución.

En términos porcentuales, la cifra supon un 2,12 por cientu del total rexistráu a nivel estatal. Nel casu d'Asturies, unviáronse 402 reclamaciones de calter individual, frente a les 365 del añu anterior y 57 coleutives, bien per debaxo de les 135 rexistraes en 2008.

A nivel estatal, la institución recibió en 2009 un total de 18.392 individuales, lo que supon la cifra más alta de la so hestoria, anque nel cómputu global -individuales y coleutives-, baxaron llevemente hasta les 22.287 reclamaciones. Múgica presentó esti martes la memoria a los presidentes del Congresu y el Senáu, José Bono y Javier Coloráu, respectivamente.

Quexes sobre l’asturianu   

N’abril d’eti añi, la Procuradora Xeneral, Mª A. Fernández Felgueroso, namás recibió una quexa sobre l’asturianu en 2009; un ciudadanu de Llangréu que denunció l’incumplimientu de la toponimia.

El ciudadanu quexóse a la Procuradora denunciando'l incumplimientu del Decretu del Principáu d'Asturies 73/2005, del 7 de xunu, pol que se determinen los topónimos oficiales del Conceyu de Llangréu, “yá que les señales de carretera dependientes del Principáu namás s'especifiquen en castellán, escaeciendo les denominaciones de los topónimos establecíes nel citáu decretu”.

Scasí, según dalgunes informaciones, les quexes sobre cuestiones relacionaes col idioma foron munches más. Sicasí, la mayoría foron desviaes al propiu Defensor del Pueblu, l’homólogu de la Procuradora Xeneral a nivel estatal.