Suburbia Ediciones entama a editar la revista d'historia ‘Erada'

Suburbia Ediciones faise cargo de la edición d'Erada, nel so númberu 3. La revista cambia’l so formatu esterior pero mantíen los criterios de calidá de los númberos anteriores.

La publicación dirixida pol historiador Rafael Rodríguez Valdés, cuenta nesti númberu coles collaboraciones de Faustino Zapico (La campaña autonomista de 1897); Cristóbal Ruitiñ (La reaparición d’Asturies nos entamos d’opinión pública democrática nel tardofranquismu. La salida d’Asturias Semanal, 1969); Armando Magadán (El Partíu asturianista, Asturianismu ya interclasismu como estratexa); Patrick Zimmerman (Reflexones sobre nacionalismu y historia viva: Nota d’un proyectu sobre la historia d’un nacionalismu frustráu)
                                               
Amás, esti númberu tamién cuenta coles reseñes ‘Crónica de la Guerra de Marruecos’ d’Adolfo Cueto; ‘Ni cautivos ni desarmados’ d’Antonio Martínez; ‘La Maginot cantábrica’ de Valentín Álvarez;  ‘Enriqueta González Rubín: el sinciu d’una escritora del XIX’ de Guadalupe Valdés Rodríguez y María Jesús Villaverde Amieva.